விபத்திலிருந்து நூலிழையில் தப்பியவனின் தனிமொழி
Artist: K S Radhakrishnan |
செய்தித்தாளில்தான் வாசித்திருக்கவேண்டும்
ஒரு தனித்த பின்னிரவில்
தன் தூசிபடிந்த
வலிமையை ஒன்றுதிரட்டி
முதியவரொருவர்
டிபன் பாக்ஸை திறக்க முயற்சித்திருக்கிறார்
ஓரிரு நொடிகளில் நெஞ்சைப் பிடித்தவாறு
தரையில்
சரிகிறார்
மங்கலான புகைப்படத்தில்
அறியமுடியாத
ஏதோவொன்றின்
வண்டிச்சக்கரமோ என்பது போல
அவ் வட்ட டிபன் பாக்ஸ் காட்சியளித்த
அந்தக் காலைப்பொழுது
எனக்கு இன்னமும் நினைவிருக்கிறது
அன்பே நீ பெரிய கலைஞன்தான்
என்ன எளிமை
என்ன பயங்கரம்...
*
Comments
Post a Comment