வெளிப்படுத்துதல்

கோடிக்கணக்காண போதிசத்துவர்கள் 

கோடிக்கணக்காண மரத்தடியில் 

உட்கார்ந்திருக்கிறார்கள்

அதிலொரு போதிசத்துவனுக்குப் 

பைத்தியம் பிடிக்கிறது

தியானத்தின் கடைசிப் படிக்கட்டை
விட்டிறங்கி
சூன்யத்தின் முதல் படிக்கட்டில்
கால் வைக்கிறான்
ஆனந்தத்தின் அடிவாரத்திலிருக்கும் கிராமத்தில்
சிங்கம் பசுவுடன் நடக்கத் துவங்கியது
அத்தனை ஞானத்துடனும்
அத்தனை துயரத்துடனும்..

**