குவார்ட்ஸ் கூழாங்கல்லின் கனவு - வாஸ்கோ போப்பா

Artist: Rene Magrrite

பூமிக்குள்ளிருந்து ஒரு கை தோன்றியது
கூழாங்கல்லைக் காற்றில் எறிந்தது
எங்கே அந்தக் கூழாங்கல்
அது மீண்டும் பூமிக்குத் திரும்பவில்லை
சொர்க்கத்திற்கும் ஏறிப் போகவில்லை
அந்தக் கூழாங்கல்லுக்கு என்னவாயிற்று
உயரங்கள் அதை விழுங்கிவிட்டனவா
அல்லது பறவையாய் மாறிவிட்டதா
இதோ இருக்கிறது அந்தக் கூழாங்கல்
பிடிவாதத்துடன் அது தனக்குள்ளே தங்கிவிட்டது
சொர்க்கத்தினுள்ளும் அல்ல பூமியினுள்ளும் அல்ல
அது தனக்கே கீழ்ப்படிகிறது
உலகங்கள் பலவற்றிலும் ஓர் உலகம்