வீடுகளின் வீடு

Hilma af Klint

பலவிதமான வீடுகள் உள்ளன

ஒளியின் தாடை விளிம்பில் தயங்கி நிற்கும்

துளியினைப் போல சில வீடுகள் தலைகீழாய்த் தொங்குகின்றன

மரணத்திலிருந்து உறங்கும் வீடுகள் உண்டு

அவை ஒவ்வொரு நொடியும்

இறந்தவர்களால் வெள்ளையடிக்கப்படுகின்றன

தரைக்கு மேல் ஒரு கணம் கூட நிற்கவியலாது

தான் யார்

தான் எங்கிருக்கிறோம் என

வினவும் வீடுகள் உண்டு

எல்லாப் பதிலையும்

தூக்கி வீசிவிடும் ஒரு கேள்வியைப் போல அவை

தங்களைத் தாங்களே எழுப்பி

தங்களைத் தாங்களே இடித்துக்கொள்ளும் வடிவற்ற வீடுகளை

நோக்கிச் செல்கின்றன

இதில் எது என்னுடயது

எது என்னுடயது இல்லை?

*