யாராவது இருக்கிறீர்களா?

எதையோ சொல்ல இயலாமல் 

ஊளையிட்டுக்கொண்டிருக்கிறது காற்று

வேறு உலகத்திலிருந்து 

வருகின்றனவா இந்த அலைகள் 

பார்த்துக்கொண்டிருக்கும் 

நான் கூட 

ஏறக்குறைய இல்லை

மத்தியான வானத்திற்கு வைக்கப்பட்ட 

காற்புள்ளி என

பட்ட மரத்தின் உச்சிக்கிளையிலிருந்தபடி

ஒரு காகம் கரைந்து கொண்டிருக்கிறது:

யாராவது இருக்கிறீர்களா

யாரா..வது இருக்கிறீர்களா

யா..ரா...வது இருக்கிறீர்களா?

*