அருண யாமம்

Artist: Gabriel Guerrero Caroca

என்ன பறவையென்று தெரியவில்லை

சாயும்காலத்திலிருந்து அப்படியே உட்கார்ந்திருக்கிறது

வானத்தை மறந்துவிட்டதா

இல்லை தானொரு பறவையென்பதையே மறந்துவிட்டதா

நள்ளென்ற யாமத்தில் மனது கேட்கவில்லை

மொட்டைமாடிக்குச் சென்றேன்

அப்போதுகூட அது

பறவைநிலைக்குத் திரும்பியிருக்கவில்லை

நெருங்கிச் சென்று

மெல்லக் கையில் தூக்கிப் பறக்கவிட்டேன்

பறக்கப் பறக்க மீண்டும்

அதேயிடத்திற்கே

வந்துகொண்டிருந்தது அந்தப் பறவை

நானும் நிறுத்த வில்லை

*